கலாநிதி அப்துல்லத்தீப் அல்-ஷேக்: மிதவாதக் கொள்கையை நிலைநிறுத்தி, உலகளாவிய ரீதியில் இஸ்லாத்திற்குச் சேவை செய்த எட்டு ஆண்டுகால மகத்தான சாதனைகள்!

அஷ்ஷைக் எம்.எச். ஷைஹுத்தீன் BA மதனி. பணிப்பாளர்,அல் ஹிக்மா நிறுவனம், கொழும்பு

இஸ்லாமிய விவகாரங்கள், அழைப்புப்பணி மற்றும் வழிகாட்டல் துறை அமைச்சர் மேன்மைதங்கிய கலாநிதி அப்துல்லத்தீப் பின் அப்துல்அஸீஸ் அல்-ஷேக் (அல்லாஹ் அவரைப் பாதுகாப்பானாக) அவர்களின் கடந்த எட்டு ஆண்டுகாலப் பதவிக்காலம், சிறப்பான சாதனைகளும் ஆசீர்வதிக்கப்பட்ட அர்ப்பணிப்புகளும் நிறைந்த ஒரு பொற்காலமாகத் திகழ்கிறது.

சவூதி அரேபியாவின் சீர்மிகு தலைமையின் கீழ், அவர் தமது அழைப்புப் பணியையும் சமூகப் பணிகளையும் சிறந்த முறையிலும் முழுமையான நேர்மையுடனும் முன்னெடுத்து வருகிறார். அவரது சீரிய முயற்சிகளின் தாக்கம் சவூதி அரேபியாவிற்கு உள்ளேயும் வெளியேயும் தொடர்ந்து உணரப்பட்டு வருகின்றது.சிறப்பான தலைமையும் அழைப்புப்பணிப் பயணமும்அரச தலைமையின் வலதுகரமாகவும், வலிமை மற்றும் நம்பகத்தன்மையின் அடையாளமாகவும் திகழும் மேன்மைதங்கிய அமைச்சர் கலாநிதி அப்துல்லத்தீப் அல்-ஷேக் அவர்கள், அமைச்சராக நியமிக்கப்பட்டதன் மூலம் பெற்ற அரச நம்பிக்கையைத் தொடர்ந்து இஸ்லாமிய விவகாரங்கள் அமைச்சின் பொறுப்பை ஏற்றார். அன்றிலிருந்து, சவூதி அரேபியாவின் ‘தொலைநோக்குத் திட்டம் 2030’ (Vision 2030) இலக்குகளுக்கு ஏற்ப, எவ்வித ஆரவாரமுமின்றி, தூய்மையான எண்ணத்துடனும் முழுமையான ஈடுபாட்டுடனும் அவர் பணியாற்றி வருகிறார்.

இக்காலக்கட்டத்தில், இஸ்லாமிய அழைப்புப் பணிகளில் மிதவாதக் கொள்கையை அவர் வலுவாக நிலைநிறுத்தினார். இஸ்லாத்திற்கும் முஸ்லிம்களுக்கும் சேவை செய்வதிலும், மிதவாதம் மற்றும் நடுநிலைமை ஆகிய விழுமியங்களை உலகளாவிய ரீதியில் பரப்புவதிலும் சவூதி அரேபியாவின் உன்னதப் பணியைப் பிரதிபலிக்கும் வகையில், மார்க்கப் பேருரைகளில் நிதானமும் சமநிலையும் பேணப்படுவதை அவர் உறுதிசெய்தார்.சவூதி அரேபியாவிற்குள் நிகழ்த்திய அளப்பரிய சாதனைகள்அவரது பதவிக்காலத்தில், அழைப்புப்பணி, தொண்டு நிறுவனச் செயல்பாடுகள் மற்றும் விழிப்புணர்வுப் பணிகளில் அமைச்சு மிகப்பெரிய வளர்ச்சியைக் கண்டது.

மார்க்கக் கல்வி மற்றும் அழைப்புப்பணிக்கான பயிற்சி நெறிகளை ஒழுங்கமைப்பதிலும், சவூதிப் பல்கலைக்கழகங்களில் பட்டம் பெற்ற பல மார்க்க அறிஞர்கள் மற்றும் கதீப்களுக்கு (ஜும்ஆ பேருரையாளர்கள்) ஆதரவளிப்பதிலும் அவர் நேரடி கவனம் செலுத்தினார். மேலும், முஸ்லிம்களிடையே திருக்குர்ஆனைப் பரப்புவதையும் கற்பிப்பதையும் நோக்கமாகக் கொண்ட குர்ஆன் மனனப் போட்டிகளையும் வெகுவாக மேம்படுத்தினார்.சவூதி அரேபியாவிற்கு உள்ளேயும் வெளியேயும் வாழும் இஸ்லாமிய சமூகத்திற்குப் பயனளிக்கும் வகையில், இரு புனிதத் தலங்களின் பாதுகாவலரான மன்னரின் ஆசீர்வதிக்கப்பட்ட திட்டங்களான ரமழான் மாத பேரீச்சம்பழ விநியோகம், நோன்பாளிகளுக்கான இப்தார் நிகழ்ச்சிகள், வெளிநாடுகளுக்கு இமாம்களை அனுப்பிவைத்தல் மற்றும் மன்னர் ஃபஹத் குர்ஆன் அச்சு வளாகத்தில் அச்சிடப்பட்ட திருக்குர்ஆன் பிரதிகளை விநியோகித்தல் போன்ற மகத்தான பணிகளுக்கும் மாண்புமிகு அமைச்சர் அவர்கள் தமது முழுமையான ஆதரவை வழங்கினார்.

இஸ்லாத்திற்குச் சேவை செய்வதில் மாண்புமிகு அமைச்சரின் பணிகள் சவூதி அரேபியாவிற்குள் மட்டும் சுருங்கிவிடவில்லை; மாறாக, அவரது சீரிய முயற்சிகளின் நற்பயன்கள் வெளிநாடுகளுக்கும் விரிவடைந்தன. இலங்கை மற்றும் பிற நாடுகளில் வாழும் முஸ்லிம்கள் அவரது சிறப்பான திட்டங்களின் பலன்களை நேரடியாக அனுபவித்து வருகின்றனர். இரு புனிதத் தலங்களின் பாதுகாவலரான மன்னர் சல்மான் பின் அப்துல்அஸீஸ் அல் சவூத் மற்றும் பட்டத்து இளவரசர் ஆகியோரின் தலைமையிலான சவூதி அரேபியாவின் அர்ப்பணிப்பைப் பிரதிபலிக்கும் வகையில், பள்ளிவாசல்கள் மற்றும் குர்ஆன் மதரஸாக்களுக்கு ஆதரவளிப்பதிலும், கல்வி மற்றும் அழைப்புப் பணித் திட்டங்களை மேம்படுத்துவதிலும், மார்க்கப் போட்டிகளை நடத்துவதிலும், மிதவாதக் கொள்கையை நிலைநிறுத்துவதிலும் அவர் அளப்பரிய பங்களிப்பை வழங்கியுள்ளார்.

மாண்புமிகு அமைச்சர் கலாநிதி அப்துல்லத்தீப் அல்-ஷேக் அவர்களைப் பாதுகாக்கவும், மார்க்கத்திற்கும் இஸ்லாமிய சமூகத்திற்கும் சேவை செய்யும் அவரது பயணத்தில் வெற்றிகளை வழங்கவும், அவர் மேற்கொண்ட முயற்சிகளுக்காக அவருக்கு நற்கூலியை வழங்கி, அதனை அவரது நன்மைகளின் தராசில் கனமாக்கவும் எல்லாம் வல்ல அல்லாஹ்வை நாங்கள் பிரார்த்திக்கிறோம். மேலும், சவூதி அரேபியாவின் தலைமை, அரசாங்கம் மற்றும் மக்கள் மீது நாங்கள் கொண்டுள்ள கலப்படமற்ற அன்பையும் விசுவாசத்தையும் இத்தருணத்தில் உறுதிப்படுத்துகிறோம். அதன் கண்ணியத்தையும் மேன்மையையும் என்றென்றும் நிலைத்திருக்கச் செய்யவும், அதன் விசுவாசமிக்க தலைவர்களின் முயற்சிகளில் அல்லாஹ் பரக்கத் (பாக்கியம்) செய்தருளவும் மனதார வேண்டுகிறோம்.