இரு புனித ஸ்தலங்களின் சேவகருக்கும் இலங்கைக்கான சவூதி அரேபிய தூதரகத்திற்கும் இலங்கை முஸ்லிம்களின் இதயப்பூர்வமான நன்றிகள்.!

அல்லாஹ்வின் மாபெரும் கிருபையினாலும், இரு புனித ஸ்தலங்களின் சேவகரும் சவூதி மன்னருமான மன்னர் சல்மான் பின் அப்துல் அஸீஸ் அல்-ஸஊத் அவர்களின் நல்விருப்பத்தினாலும், 1448ஆம் ஹிஜ்ரி ஆண்டிற்கான “மன்னரின் விருந்தினர் உம்ரா மற்றும் ஸியாரத் திட்டத்தின்” கீழ் இலங்கையிலிருந்து 10 பேர் புனித உம்ராவை நிறைவேற்றுவதற்காக தெரிவு செய்யப்பட்டிருப்பது இலங்கை முஸ்லிம்களுக்கு மிகுந்த மகிழ்ச்சியையும் பெருமிதத்தையும் அளிக்கிறது.

கொழும்பிலுள்ள சவூதி அரேபிய தூதரகத்தில் நடைபெற்ற பிரியாவிடை நிகழ்வில், பதில் தூதுவர் மாண்புமிகு யாசர் பின் அப்துல்ரஹ்மான் அல்-ஹாஸ்மி அவர்கள் விருந்தினர்களுக்கு நல்வாழ்த்துகளைத் தெரிவித்ததுடன், அவர்களுக்கு வழங்கிய அன்பான வரவேற்பும் கௌரவமும் சவூதி அரேபியா இலங்கை மக்கள் மீது கொண்டுள்ள ஆழமான சகோதரத்துவத்தையும் அன்பையும் மீண்டும் வெளிப்படுத்தியுள்ளது.• மாண்புமிகு மன்னருக்கும் சவூதி அரசிற்கும் எமது நன்றிகள்உலகெங்கிலும் உள்ள முஸ்லிம்களின் நலனுக்காகவும், இஸ்லாமிய சேவைக்காகவும் சவூதி அரேபியா தொடர்ந்து ஆற்றிவரும் பணிகள் அளப்பரியவை.

குறிப்பாக, உலகின் பல்வேறு நாடுகளிலிருந்து முஸ்லிம்களைத் தெரிவுசெய்து, புனித மக்கா மற்றும் மதீனாவிற்கு அழைத்து வந்து, அவர்களை “இறைவனின் விருந்தினர்கள்” என்ற கௌரவத்துடன் உபசரிக்கும் இந்த உயரிய திட்டம், இஸ்லாமிய உம்மத்தின் ஒற்றுமையையும் சகோதரத்துவத்தையும் மேலும் வலுப்படுத்தும் ஒரு சிறப்பான முயற்சியாகும்.இலங்கையிலிருந்து தெரிவுசெய்யப்பட்டுள்ள 10 விருந்தினர்களின் புனிதப் பயணம் சிறப்பாக அமையவும், அவர்களின் உம்ரா மற்றும் ஸியாரத் இறைவன் சமூகத்தில் ஏற்றுக்கொள்ளப்படவும் நாம் பிரார்த்திக்கின்றோம்.இந்த புனிதப் பயணத்திற்காக வழங்கப்பட்ட வாய்ப்பிற்கும், விருந்தினர்களின் பயணம் தொடர்பில் காட்டப்பட்ட அக்கறை மற்றும் அன்பான உபசரிப்பிற்கும் இலங்கை முஸ்லிம்கள் சார்பாக சவூதி அரேபிய அரசுக்கும், கொழும்பிலுள்ள சவூதி அரேபிய தூதரகத்திற்கும் எமது இதயப்பூர்வமான நன்றிகளைத் தெரிவித்துக்கொள்கிறோம்.

இஸ்லாத்திற்கும் முஸ்லிம்களுக்கும் தொடர்ந்து சேவை செய்து வரும் இரு புனித ஸ்தலங்களின் சேவகர் மன்னர் சல்மான் பின் அப்துல்அஸீஸ் அல்-ஸஊத் அவர்களுக்கும், சவூதி அரேபிய அரச குடும்பத்தினருக்கும், தலைமைத்துவத்திற்கும், தூதரக அதிகாரிகளுக்கும் அல்லாஹ் நல்ல ஆரோக்கியத்தையும் நீண்ட ஆயுளையும் அருள்வானாக.புனித மக்கா மற்றும் மதீனா உட்பட சவூதி அரேபியாவின் புனித மண்ணையும் அதன் மக்களையும் அல்லாஹ் என்றும் அமைதி, பாதுகாப்பு, வளம் மற்றும் செழிப்புடன் சூழ்ந்தருள்வானாக.இலங்கை மற்றும் சவூதி அரேபியா இடையே நீண்டகாலமாக நிலவி வரும் நட்புறவும், பரஸ்பர மரியாதையும், சகோதரத்துவமும் மேலும் வலுப்பெற்று என்றும் தொடர அல்லாஹ்விடம் பிரார்த்திக்கின்றோம்.இலங்கை முஸ்லிம்கள் மற்றும் மக்கள் சார்பாக,இதயப்பூர்வமான நன்றிகள்.

எஸ். சினீஸ் கான்